Mnozy Serbja běchu a su dźensa hišće jara wěriwi. Wuska zwjazanosć z Božim słowom wobwliwowaše tež wuhotowanje cyrkwjow, štož so jewi w serbskich napisach na wołtarju, klětce, dupje, na sćěnach a dalšich sakralnych elementach. Na někotrych pohrjebnišćach namakaće tež rowy sławnych serbskich wosobinow – jich wšěch zwjazuje dwurěčnosć. Pomniki serbskich stawiznow su tež něhdyše hrodźišća a wsy w formje kulowca.
